0, 1 eta 2 urteko geletan kalitatezko hezkuntza eskaini nahi dugu, eta familiarteko giro goxoan, eta jolasaren bitartez, ikasleek konfiantzaz eta segurtasunez ikastea dugu helburu. Bakoitzaren behar eta garapen-unera moldatuz, euren ahalmenak garatuko dituzte, ikasketa esanguratsua bermatuz, eta haiengan gauza berriak ikasteko interesa eta jakin-mina piztuz.
Ikaslearen oinarrizko beharrak zaintzea da gure lehentasuna, eta era berean, esperimentatzea, miatzea, ukitzea, maneiatzea… nahi dugu.
Estimulazio goiztiarra, jolas eta ariketa fisiko multzoa da eta haurraren garapenean momentu bakoitza aprobetxatzea du helburu, bere abilezia eta trebetasun guztiak indartuz. Haurren mugimenduan lagundu eta garapen sentsoriala errazten du, eta horrela, neurona-antolaketa errazago gauzatzen da.
Howard Gardner ikertzaileak 9 adimen mota daudela defendatzen du: adimen linguistikoa, logiko-matematikoa, ikus-espaziala, naturalista, intrapertsonala, interpertsonala, musika, gorputz-zinestesikoa eta espirituala.
Gure ikasleen aniztasuna ardatz hartuta sortzen eta burutzen ditugun jarduerak. Horien helburua haurren adimen guztiak garatzea da.
Adimen anitzei buruzko informazio gehiago.
Atelier izeneko tailerrean, gure haurrek artea eta sormena garatuko dute esku lanen eta ekintza sentsorialen bidez.
Ikasleak pertsona autonomoak izatea nahi dugu, emozionalki haz daitezela eta baloreak beregana ditzatela. Haurrak direnetik ohitura onak hartuz etorkizuneko pertsona autonomoak, konprometituak eta sortzaileak izango baitira, beren buruarengan segurtasuna edukiz eta autoestimu handiagoz jardungo dute.
Errutinen eta ohituren bidez lan egiten dugunean lasaitasun eta segurtasun giroa izaten dugu gelan. Horrela, eta lanerako giro egokia bereziki garrantzitsua dela sinetsiz, ikasleek garapen kognitibo egokia izaten dute.
Gorputz mugimendua, erritmoa eta zentzumenak landuz bereganatzen dituzte haurrek musikaren oinarriak. Horretarako, ipuin musikalak, musika-tresnak, abestiak… erabiltzen ditugu.
Antolaketa neurologiko egokia izan dezaten, gorputza eta haren mugimendua lantzeko ariketak egiten ditugu. Era berean, gorputz mugimenduak sortzen dituen sentsazioengan jartzen dugu arreta.
Ikasleek oinarri linguistiko sendoa izan behar dute eskola amaitzerako Euskara, Gaztelania eta Ingeles maila altua izan dezaten. Etapa honetan hori dugu egitasmo handietako bat.
Euskara da etapa honetan hizkuntza nagusia.
2 urterekin hasten gara Ingelesa lantzen.
Haur hezkuntzako haurrak beren instalazio propioak dituzte: jangela, psikomotrizitate gela, parkea,... baita deskantsatu eta etxean bezala sentitzeko beraien gelak. Horrez gain, eskolako espazioak erabil ditzakete: areto nagusia, polikiroldegia, basoa, baratzea, kapila,... Modu honetan, espazio anitz asko dituzten haurrek esperimentatu, gozatu eta jolastuz ikasteko.
Bai, borondatezkoa bada ere, ikastetxera lehen aldiz etortzen diren haurrentzat gomendagarria da.
Ikastetxean gure sukalde eta sukaldaria ditugu eta bertan egindako elikagaiak jaten dituzte horrela gure ikasleek. Askotariko elikagaiak jaten dituzte, euren osasunerako eta errendimendurako onuragarriak direnak. Ikasle bakoitzaren beharretara moldatuz, alergiak eta intolerantziak dituzten haurrei menua egokitu egiten diegu.
Urtebete eta bi urteko ikasleentzat derrigorrezkoa da. Haurtxoek ez dute uniformerik.
Legearen arabera, 0 urteko geletan 8na ikasle eduki behar ditugu, urtebeteko geletan 13na eta 2 urteko geletan 20na ikasle.
943 21 23 07 telefono zenbakira dei dezakezue edo orrialde honen azpialdean dagoen harremanetarako inprimakia betez. Poz-pozik erantzungo dizuegu.
