Donostiako Jesuitinas ikastetxea Aiete auzoan kokatuta dago. Bertatik, hiriaren bista panoramiko ederra dugu. 1966 urtean eraiki zen ikastetxearen lehen eraikina, eta urteak pasa ahala, Bigarren Hezkuntzarentzat propio egindako eraikuntza gehitu genuen.
Bi pabiloi ditu ikastetxeak, bata Haur Hezkuntza eta Lehen Hezkuntzako ikasleentzat egina, eta bigarrena Derrigorrezko Bigarren Hezkuntzarako. Lehen eraikinean, Haur Hezkutzako ikaslerik txikienen gelak beheko solairuan daude kokatuta, eta zuzenean sartu eta ateratzen dira parkera. Era berean, euren jangela horren gertu izanik ikasleak aise mugitzen dira batetik bestera.
Leku hauez guztiez gain, ikasleek kapera, ekitaldietarako aretoa eta gimnasioa dituzte.
Euren beharretara egokitutako gelak dira, teknologia berriez hornituta daude eta euren zentzumenak estimulatzeko egoki prestatuta daude. Espazio zabalak dituzte eta ikasleek aske mugituz ikasten dute.
Gure txikienen ikasketan, gune garrantzitsua da jangela. Horregatik, espazio egokitu eta atsegina eskaini nahi diegu. Bertan, gure sukaldariak egindako janaria zerbitzatzen diegu eta adin eta ikasle bakoitzaren beharretara egokitzen da menua.
Estimulazio Goiztiarra lantzeko gela da, eta bertan, gorputz adierazpena lantzeko ariketak egiten dira.
Kooperatiboan lan egiteko taldeka jarrita daude gelan. Bertan, berrikuntza teknologikoen laguntzaz ikasten dute.
Ikastetxean sukaldea eta sukaldaria dugu, eta hemen zerbitzatzen dugun janaria bertan egindakoa da.
Bertan, 4 eta 16 urte bitarteko ikasleek bazkaltzen dute.
Euren erreferentziazko gelez gain, ikasleek laguntza gelak, ekitaldietarako aretoa, gimnasioa, gela balioanitza eta liburutegia dute.
Teknologia berrienekin hornitutako gelak dira eta adin honetako ikasleen beharretara egokituta daude. Erreferentzia geletan ikasten dute nagusiki, baina etapa honetan gela batetik bestera maiztasun handiz mugitzen dira.
Hezkuntza eskaintza anitza dugu, horregatik, eta behar guztiak asetzeko asmoz, eraikinak laborategia, teknologia tailerra, ikasketa gela eta gela balioanitza ditu.
Tailerrak egiten ditugu bertan, baita hitzaldi eta formakuntzak jaso ere. Horrez gain, ikusentzunezko emanaldiak izaten dira aldian behin.
Ikastetxe baten barnealdea zaintzea bezain garrantzitsua da kanpoaldean espazio zabalak eta zainduak izatea. Bertan jolastu eta kirola praktikatzen dute ikasleek, eta era berean, ikasle, irakasle eta familiek partekatzen duten espazio libreak dira.
Futbol, saskibaloi eta eskubaloi zelaiak ditu ikastetxeak kirola praktikatu eta jolasean aritzeko. Ikasleek, halaber, ingurugiroaz gozatzen dute belardi eta arboladietan.
Askotariko kirol ekintzak burutzen ditugu bertan, baita ekitaldi eta festak ere.
Berritu berria den parkea 0 eta 6 urte bitarteko haurrentzat egokitua dago. Bertan, modu seguruan gozatzen dute gure txikiek.
Ikastetxearen leku ezagun eta deigarrienetako bat da. Putzuaren, uraren lasaitasunaz gozatzen dute bertan gure ikasleek.
Kirol gunearen atzealdean dagoen arboladia da. Bertan dago ikastetxeko baratzea, eta bertan aritzen dira ikasleak inguruneak eskaintzen digun oroz ikasten eta gozatzen.
Ikastetxeak terraza eta korridore luzeak eta altuak ditu. Bertatik, itsasoa eta hiria ikusten dugu. Eguraldi ona egitean duenean ekintza desberdinak burutzen ditugu bertan.
