Eskolan jasotzen duten formakuntza osatzeko eta aberasteko daude pentsatuta eskolaz kanpoko jarduerak. Etapa bakoitzean, adin horretako ikasleen behar eta interesei egokituak dauden ekintzak burutzen dira.
Kultura eta kirol jarduera ugari eskaintzen ditugu, bai eguerdietan baita arratsaldez eskolan bertan ere.
Robotika eta KLUPPY mekanografia dira, eskolaz kanpoko jardueretara gehitu ditugun azken bi proposamenak.
Etapa honetako haurrak inguratzen dien mundua eta beren interesak ezagutzen ari dira. Horregatik, eskaintzen zaizkien ekintzek prozesu honetan laguntzea dute helburu. Jarduera guztiak eguerdietan izaten dira.
Etapa honetan, ikasleek taldeko jarduerak dituzte gustuko, eta aldi berean, bakoitzaren interesak definitzen hasten dira. Lagunekin gozatzeko, kirol zein kultura ekintzak eskaintzen zaizkie.
Derrigorrezko Bigarren Hezkuntzan jarduera akademikoek pisu handiagoa hartzen duten arren, kirol zein kultura ekintzak eskaintzen jarraitzen dugu, oso garrantzitsuak baitira beraien nortasunaren garapenerako.
